Басты жаңалықНовости
Қазақстан мен Түрікменстан арасындағы әуе қатынасы қайта жанданады
Азаматтық авиация комитеті түрікмен тарапымен бірлесіп Қазақстан мен Түрікменстан арасында әуе қатынасын жаңарту мәселесін пысықтады, — деп хабарлайды muragerinfo.kz/ тілшісі.
Азаматтық авиация комитетінің мәліметінше, «Түрікменстан» әуекомпаниясы 2023 жылғы 26 наурыздан бастап екі ел арасындағы тұрақты жолаушылар рейстерін қайта бастауды жоспарлап отыр.
«Рейстер Алматы – Ашхабад бағыты бойынша аптасына 2 рейс жиілігімен сейсенбі және бейсенбі күндері «Боинг-737″ үлгісіндегі әуе кемелерінде орындалады», — деп мәлімдеді Азаматтық авиация комитетінің баспасөз қызметі.
Комитет өкілдері екі ел арасындағы әуе қатынасын жаңарту сауда-экономикалық, іскерлік, туристік және мәдени ынтымақтастықты одан әрі дамытуға ықпал ететінін атап өтті.