Басты жаңалықНовости
Түркістан облысында 11 жасар қыз суға батып кетті
Түркістан облысының Абай ауылында қайғылы жағдай болды: 8 мамыр күні 11 жастағы оқушы қыз «Ошақты» каналына батып кетті, — деп хабарлайды muragerinfo.kz/ тілшісі.
Облыстық төтенше жағдайлар департаментінің мәліметінше, қыз судан өздігінен шыға алмай қалған. Бұл жағдай оның құрбысының көз алдында болған.
Қыз ойнап жүріп, абайсызда суға құлап кеткен. Кейін денесі оқиға орнынан 5 шақырым жерден табылды.
«Суға батып кеткен қызды іздеуге Төтенше жағдайлар департаментінің 6 қызметкері, 8 полиция қызметкері, жергілікті атқарушы органдардың 4 қызметкері және туыстарынан 12 адам жұмылдырылды. Іздеу барысында «Ошақты» каналындағы су уақытша тоқтатылды», делінген Түркістан облысы төтенше жағдайлар департаментінің баспасөз қызметі таратқан хабарламада.