Ақтауда ауруханада өрт шығып, 470 адам эвакуацияланды

Маңғыстау облыстық ауруханасында 20 қыркүйекте түнде 470 адам эвакуацияланды, — деп хабарлайды muragerinfo.kz/ тілшісі.

Облыстық төтенше жағдайлар департаментінің мәліметінше 22:38-де аурухананы түтін басқаны туралы хабар түскен.

«Оқиға орнына келгеннен кейін 6 қабатты ғимараттың 3-қабатындағы урология бөлімшесі иесінің медбике шаруашылығы бөлмесінің желдету каналында жану ошағы табылды. 470 адам эвакуацияланды, оның 150-і ТЖД күшімен», – деп мәлімдеді ведомство өкілдері.

Жарақат алғандар жоқ. Тұтану ошағы 23:31-де сөндірілген. Қазір облыстық аурухана штаттық режимде жұмыс істеп тұр.