Еліміздің бес қаласында қолайсыз метеожағдай күтілуде

26 қыркүйекте Қазақстанның бес қаласында қолайсыз ауа райы күтіледі, — деп хабарлайды muragerinfo.kz/ тілшісі.

Синоптиктер мәліметінше, сейсенбіде Павлодар, Атырау, Ақтөбе, Алматы және Астана қалаларында қолайсыз метеорологиялық жағдайларға байланысты ауаның ластануы күтіледі. Бұл қалаларда ауа райы атмосферада ластаушы заттардың жиналуына ықпал етеді.

Қолайсыз метеорологиялық жағдайлар — атмосфералық ауаның беткі қабатында зиянды заттардың шоғырлануына ықпал ететін қысқа мерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.