Махачкалада жүздеген адам әуежай маңына келіп, наразылық акциясын ұйымдастырды
Жексенбі күні Тель-Авивтен Махачкала әуежайына тұрақты рейс келіп тоқтаған әуежай орналасқан аумаққа жүздеген адам келіп, наразылық акциясын ұйымдастырып жатыр.
Жиналғандар Палестина-Израиль қақтығысына наразы, деп хабарлайды muragerinfo.kz/ ресейлік ТАСС агенттігіне сілтеме жасап.
Әуежайдағы таблоға қарағанда, ұшақ Тель-Авивтен Махачкалаға жергілікті уақыт бойынша сағат 19:17-де келген. Наразылық білдірушілердің бір бөлігі ұшып келген рейстің жолаушыларын іздеп, халықаралық терминалға кіріп кеткен.
Оқиға орнында бірнеше полиция қызметкері жүр, олар наразылық білдірушілерге түсіндіру жұмыстарын жүргізіп жатыр.
Сондай-ақ ТАСС агенттігі Махачкала әуежайының жабылғанын хабарлады. Оған бөгде адамдардың ұшу алаңына өтіп кетуі себеп болған.
Росавиацияның хабарлауынша, ұшақтар қазір өзге әуежайларға жіберіліп жатыр.