Биыл әскерге екі есе көп жігіт шақырылады

Қорғаныс министрлігі «Әскери қызметке міндеттілерді 2024 жылға әскери дайындыққа шақыру туралы» бұйрық дайындады, деп хабарлайды muragerinfo.kz/.

2024 жылы 3 000 әскери міндетті әскери жиындарға шақырылсын, — делінген құжатта.

Бұйрықтың орындалуын бақылау Қорғаныс министрінің бірінші орынбасары – Қазақстан Республикасы Қарулы Күштері Бас штабының бастығына жүктелген.

Бұйрық жобасы 23 қаңтарға дейін қоғамдық талқылау үшін НҚА порталында орналастырылған.

2023 жылы Қорғаныс министрлігі 1500 қазақстандықты әскери дайындыққа шақырған болатын.