Астанада сегіз компания құрылыс лицензиясынан айырылды

Астанада сегіз құрылыс компаниясы лицензиясынан айырылды, — деп хабарлайды muragerinfo.kz/ қала әкімдігі сайтына сілтеме жасап.

«2023 жылы жүргізілген жоспардан тыс тексерулер аясында «Астана қаласының Қалалық орта сапасы және бақылау басқармасы» 288 заңбұзушылықты анықтап, заңбұзушылықтарды жоюға 247 нұсқама берді», — деп хабарлайды елорда әкімдігі.

Сапасыз құрылыс салғаны және құрылыс-монтаждау жұмысын жүргізгені үшін 46 ұйым, ал тиісінше бақыламағаны үшін 7 техникалық қадағалау ұйымы және 6 ай мерзіммен аттестатты тоқтату немесе айырумен 22 техникалық қадағалау сарапшысы жауапқа тартылды.

Әкімдік мәліметінше, Астана әкімшілік құқық бұзушылық жөніндегі мамандандырылған ауданаралық сотының қаулысымен ӘҚБтК 312-бабының 2-бөлігі, 313-бабының 1-бөлігі бойынша сапасыз құрылыс-монтаждау жұмысын орындағаны және мемлекеттік нормативтерді бұза отырып жобалық құжаттаманы қабылдамағаны үшін сегіз компания құрылыс лицензиясынан айырылды:

• «NAK development» ЖШС;
• «БазисДоСтрой» ЖШС;
• «КСМК-АФ» ЖШС;
• «DBK-Engineering» ЖШС;
• «Пропилон» ЖШС;
• «ANA Astana» ЖШС;
• «ППК» жобалау-құрылыс компаниясы» ЖШС;
• «X-clusive Qurylyus Group» ЖШС.