Пара алды деп айыпталған Есік қаласының әкіміне қатысты сот үкімі шықты

Шенеунік кінәсін толық мойындады. Ол пара алғаны үшін 100 миллион теңге айыппұл арқалады, деп хабарлайды muragerinfo.kz/.

Іс материалдарына сәйкес, Есік ауданының әкімі Асхат Аңсатбаев жауапкершілігі шектеулі серіктестікпен балалардың ойын алаңдарын абаттандыру үшін 32 миллион теңгеге келісім-шарт жасасқан. Мердігер жұмысты жүргізу үшін 10 ойын алаңын салуға келісім-шартқа отырған Р есімді досын шақырады. Есік қаласының әкімі 2023 жылдың тамыз айында салынып жатқан балалар алаңына барып, жұмыс сапасына қатысты ескертулер жасап, оларды жоюды талап еткен. Сот үкімінде Р әкіммен достық қарым-қатынас орнату мақсатында оның туған күніне 234 мың теңге тұратын қымбат сөмке сыйлаған.

Сөйтіп шенеунік жұмыс актілеріне кедергісіз қол қойғаны үшін Р-дан 2 миллион теңге көлемінде пара және қосымша жұмыс үшін үстемақы беруді ұсынады. 2023 жылдың 6 қазанында Р көрсетілген соманы өзінің орынбасары арқылы Аңсатбаевқа аударған.

Сот отырысында екі айыпталушы да өз кінәсін мойындады. Экс-әкім өз ісіне өкінетінін айтып, өзін бас бостандығынан айырмауды сұрады. 7 ақпанда сот Асхат Аңсатбаевты қылмыстық кодекстің 366-бабы (Пара алу) бойынша кінәлі деп танып, оған параның 50 еселенген сомасында – 100 миллион теңге көлемінде айыппұл салды. Сондай-ақ шенеунікке өмір бойы мемлекеттік қызметпен айналысуға тыйым салынды.

Р қылмыстық кодекстің 367-бабы (Пара беру) бойынша кінәлі деп танылып, параның 13 еселенген мөлшерінде, яғни 60 миллион теңге айыппұл арқалады. Соттың үкімі заңды күшіне енген жоқ.