ЛОЛА ШАКИМОВА ҚЫЗЫЛОРДАҒА КЕЛДІ
Республикалық ақпараттық түсіндіру тобының мүшесі, сарапшы-психолог Лола Шакимова дін саласы бойынша АТТ мүшелерімен кездесті.
«Деструктивті діни ағымдардың жақтаушыларын және терроризм актісі үшін сотталғандарды оңалту» тақырыбында өткен басқосуда белгілі психолог интернеттегі жат ағымдардың арбау тәсілдерін түсіндіріп, жиһад деген не, шахид болатындар кімдер сол жайлы жан-жақты тілге тиек етті. Әсіресе, жазғы демалыс кезінде балалардың қауіпсіздігіне ата-аналар мұқият болу керек. Себебі, бос уақытын телефонда өткізетін жасөспірімдер тыйым салынған сайттарға кіріп кетуі әбден мүмкін. Сирияға кеткен жерлестеріміздің қателіктерін бүгінгі жастардың қайталамауы аға буынның бағыт бағдарына тікелей байланысты.
Басқосу соңында облыстық дін істері басқармасының басшысы Мира Қазбекова «Қызылорда тарихы» кітабын тарту етті.