Доллар 4,26 теңгеге арзандады

Қазақстан қор биржасында (KASE) 15:30-дағы жағдай бойынша доллардың орташа сараланған бағамы 4,26 теңгеге төмендеп, 480,36 теңге болды, деп хабарлайды muragerinfo.kz/

Ресей рублінің орташа сараланған бағамы 8,64 теңгеге (+0,17) дейін көтерілді.

Қытай юанінің орташа сараланған бағамы сәл төмендеп, 71,24 теңге (-0,33) болды.

Еуро бойынша сауда-саттық болған жоқ.

Ақша айырбастау орындарында доллар 480-485 теңгеге, еуро 490-495 теңгеге, рубль 7,5-8 теңгеге сатып алынып/сатылды.

Ал мұнайдың әлемдік бағасы 19 шілдеде бұған дейін барреліне 5 доллардан астам көтерілгеннен кейін төмендеді.

Brent маркалы мұнайдың қыркүйектегі фьючерстері барреліне 105,58 долларға дейін төмендеді.

WTI мұнайының тамыз айындағы фьючерстері барреліне 101,95 долларға дейін төмендеді.