Доллар мен рубль арзандады

Қазақстан қор биржасы (KASE) 15:30-дағы жағдай бойынша доллардың орташа сараланған бағамы 1,77 теңгеге төмендеп, 477,09 теңге болды, деп хабарлайды muragerinfo.kz/

Ресей рублінің орташа сараланған бағамы 0,15 теңгеге төмендеп, 7,87 теңге болды.

Қытай юанінің орташа сараланған бағамы да аздап төмендеп, 70,74 теңге (-0,45) болды.

Еуро бойынша сауда болған жоқ. Еуро бағамын Ұлттық банк 486,01 теңге деңгейінде белгіледі.

Ақша айырбастау орындарында доллар 476-480 теңгеге, евро 486-495 теңгеге, рубль 7,2-7,7 теңгеге сатып алынып/сатылып жатыр.

Ал 29 шілдедегі сауда барысында әлемдік мұнай бағасы әртүрлі бағытта өзгерді.

Мәселен, ICE Futures бойынша Brent маркалы мұнайдың қазан айындағы фьючерстерінің құны 1,61%-ға өсіп, барреліне $103,47 болды.

NYMEX электрондық саудасында қыркүйек айындағы WTI фьючерстері 1,67%-ға арзандап, барреліне 98,03 доллар болды.