Қасым-Жомарт Тоқаев Бибісара Асаубаеваны құттықтады

Мемлекет басшысы Қасым-Жомарт Тоқаев Азияның ең үздік шахматшысы атанған Бибісара Асаубаеваны құттықтады, деп хабарлайды muragerinfo.kz/

Бибісара Асаубаева толағай табысқа қол жеткізді. ФИДЕ қазақстандық дарынды қызды Азияның үздік шахматшысы деп таныды. Қазақстан шахматшыларына үнемі қолдау көрсетіп келе жатқан Президент Қасым-Жомарт Тоқаев бұл жаңалықты назардан тыс қалдырған жоқ. Ол Бибісараны құттықтап, жаңа жетістіктер тіледі, делінген Ақорда баспасөз қызметінің хабарламасында.

Айта кетсек, жуырда Халықаралық шахмат федерациясының (ФИДЕ) марапаттау рәсімі өтті. XV-ші әлем чемпионы Вишванатан Ананд Бибісара Асаубаеваға «Әйелдер арасындағы Азияның 2021 жылғы ең үздік шахматшысы» марапатын табыс етті.