Алматы қалалық сотының ғимараты неліктен қоршауға алынды

Алматы қаласының полиция департаменті Алматы қалалық сотының ғимараты не себепті қоршалып, судьялар мен сот қызметкерлері неліктен эвакуацияланғанын түсіндірді, деп хабарлайды muragerinfo.kz/

Қалалық полиция департаменті өкілдерінің мәлімдеуінше, қалалық соттың ғимаратына жарылғыш зат қойылғаны туралы жасырын хабарлама түскен.

Көрсетілген мекенжай бойынша қалалық қызметтер жұмылдырылды, олар бірінші кезекте сот қызметкерлерін, сондай-ақ келушілерді эвакуациялады. Патрульдік полиция қызметкерлері көліктерді қауіпсіз қашықтыққа апарды… Қазыбек би көшесіндегі қалалық сотындағы іздеу жұмыстары аяқталды. Ақпарат жалған болып шықты, — деп хабарлайды Алматы полиция департаментінің баспасөз қызметі

Ведомство өкілдерінің хабарлауынша, экстремизмге қарсы күрес департаментінің қызметкерлері «анонимді тұлғаны анықтау және одан әрі жауапкершілікке тарту бойынша жедел іс-шаралар жүргізіп жатыр».

Бүгін Алматыдағы қалалық соттың ғимараты кіріс кеңсесінің поштасына түрлі сипаттағы қоқан-лоқы жазылған хабарламалар түсуіне байланысты қоршауға алынған-ды.