Синоптиктер алдағы күндерге арналған ауа райы болжамын ұсынды

“Қазгидромет” мамандары 11-13 қазанға арналған ауа райы болжамын ұсынды, – деп хабарлайды muragerinfo.kz/ тілшісі.

Еуропалық антициклонның әсерінен Қазақстан аумағында жауын-шашынның тоқтап, күндізгі ауа температурасының жоғарылауы болжанады. Елдің батысына Қара теңіз аудандарынан тағы бір циклон жылжуымен бұлтты және жаңбырлы ауа-райы күтіледі.

Қазақстанның солтүстігінде және орталығында термометр бағаны күндізгі уақытта 15-20 градусқа дейін көтерілсе, шығыс аймақтарда 13-18 градусқа дейін жылынады. Ал оңтүстікте ауа температурасы 20-25 градусқа жоғарылап, елдің батысында 10-18 градусқа дейін жылынады.