Қазақстанда төрт қант зауыты бір жылға бағаны тұрақты ұстап тұруға келісті
Қазақстанда мемлекет төрт қант зауыттарымен бағаны тұрақтандыру туралы меморандумға қол қойды, — деп хабарлайды muragerinfo.kz/ тілшісі.
Сауда комитеті баспасөз қызметінің мәлімдеуінше, Ақсу, Меркі, Көксу және Тараз зауыттары бағаны тұрақтандырады, ал оларға қажетті шикізат көлемі беріледі.
«Зауыттар үш айлық шикі қантты сатып алып, жыл бойы тұрақты өңдеуді қамтамасыз ете алады. Бұл ретте олар бір жылға сату бағасын белгілеу, зауыттарды жаңғырту, сақтау қуатын ұлғайту және саланы дамыту жөніндегі жоспарды нақты орындау бойынша міндеттемелер алады», – деді сауда комитетінің төрағасы Ержан Қазанбаев.
Мемлекет тарапынан меморандумға сауда ведомствосының, басқа да мүдделі мемлекеттік органдар мен әлеуметтік-кәсіпкерлік корпорациялардың өкілдері қол қойды.
