Коронавирус бір тәулікте 51 адамнан анықталды

7 қазандағы тәулік ішінде ел өңірлерінде коронавирус инфекциясы 51 адамнан анықталды, тағы 4 адам коронавирус пневмониясына шалдықты, – деп хабарлайды muragerinfo.kz/ тілшісі Денсаулық сақтау министрлігіне сілтеме жасап.

8 қазандағы жағдай бойынша, коронавирустан 1 099 адам емделіп жатыр, соның ішінде коронавирустан – 963 (КВИ+), коронавирус пневмониясынан 136 (КВИ-) науқас.

116 пациент стационарда жатса, 983-і амбулаториялық деңгейде ем қабылдауда.

КВИ+, КВИ- шалдыққандардың арасында:

– 6 адамның жағдайы ауыр,

– 3 пациенттің жағдайы өте ауыр,

– 1 науқас өкпені жасанды желдету аппаратына қосылған.