Сот Болат Назарбаевты «Барыс» автобазарынан айырды

Қарасай аудандық соты «Барыс» көлік базарына қатысты азаматтық іс бойынша өз шешімін жариялады, — деп хабарлайды Алматы облысы прокуратурасының баспасөз қызметіне сілтеме жасаған muragerinfo.kz/ тілшісі.

Қадағалау органы шешімнің 17 сәуірде жарияланғанын атап өтті.

Сотта Қарасай ауданы прокуратурасының жалпы ауданы 37,6 гектар болатын жер телімдерін сатып алу-сату үлгісіндегі шарттарын жарамсыз деп тану туралы талап-арызын қанағаттандыру туралы шешімі ("Барыс" авто базары) жария етілді.

Азаматтық іс бойынша төрағалық еткен судья Ахметова, ал талапкердің өкілдері — Қарасай аудандық прокуратурасының аға прокурорлары Исаев пен Райымқұлов.

"Сот кабинеті" порталының мәліметінше, бұл іс бойынша жауапкер — Болат Назарбаев.

Айта кетейік, осыған дейін Болат Назарбаев ААМЖЗ акцияларының 31,9 пайызын мемлекет меншігіне қайтаруға міндеттелген еді.