Әуе қорғанысының қару-жарағы мен әскери техниканы жаңғырту жұмыстары жүріп жатыр
«Гранит» арнайы конструкторлық-технологиялық бюросы» ЖШС («Гранит» АКТБ» ЖШС) Қазақстанда 1976 жылдан бастап жұмыс істейді.
1993 жылы «Гранит» АПТП республикалық мақсатты ғылыми-техникалық бағдарламалар шеңберінде радиоэлектроника, телекоммуникация, байланыс және ақпараттық технологиялар саласында аспаптар мен жүйелерді әзірлеу және тәжірибелік өндіру бойынша қойылған міндеттермен «Гранит» АКТБ болып қайта құрылды. 2006 жылы «Гранит» АКТБ» ЖШС қайта тіркелді.
Кәсіпорын радиоэлектрондық аспаптар мен құралдар әзірлеу, жасау және дамытуда 1995-2005 жылдары республикалық мақсатты ғылыми-техникалық бағдарламаларды, ақпаратты қорғау саласында ғылыми зерттеулер мен техникалық әзірлемелер жүргізудің 2004-2005 жылдарға арналған ғылыми-техникалық бағдарламасын іске асыруға белсенді қатысты.
1994 жылдан бастап «Гранит» АКТБ ҚР Қорғаныс министрлігі, оның ішінде ҚР Қарулы күштерінің әуе қорғанысы әскерлері үшін ғылыми-зерттеу және тәжірибелік-конструкторлық жұмыстар жүргізеді.
Кәсіпорын — аккредитациясы бар мемлекеттік емес ғылыми ұйым. Әскери техника, ҚР мемлекеттік құпияларын қорғау қызметі, арнайы техникалық құралдар және криптография саласындағы қызметке лицензиялары бар. Оның ішінде «әзірлеу, реттеу, жаңғырту, орнату, пайдалану, сақтау, жөндеу және сервистік қызмет көрсетуді қоса алғанда, оқ-дәрілерді, қару-жарақ пен әскери техниканы, олардың қосалқы бөлшектерін, жиынтықтаушы бұйымдар мен аспаптар, сондай-ақ оларды өндіруге арналған материалдар мен жабдықтарды әзірлеу, өндіру, жөндеу, сатып алу және өткізу» қызметіне мемлекеттік лицензияға ие.
1994 жылдан бастап осы уақытқа дейін ҚР Қарулы күштерінің әуе қорғанысының қару-жарағы мен әскери техникасын жөндеу, техникалық сүйемелдеу және жаңғыртумен айналысып келеді. Атап айтқанда: С-300ПС ЗЗЖ БТС және С-300ПС ЗЗЖ күрделі жөндеу; РЛС 5н84а, РЛС п-18 жаңғырту, РҚЖ жаңғырту-10 МН, Р-161 радиостанциясын, авиациялық байланыстың жердегі радиостанциясын («ТЫРНА») жаңғырту сияқты қызметтер атқарылды. Қазақстанда үш координатты РЛС «GM-403» өндірісі игерілді. Ақпаратты қорғаудың 12 түрлі техникалық құралдары өндірілді. РЛС 5Н84АМ, РЛС П-18 М, РЛС «НУР», С-300ПС ЗЗЖ БТС, ЗРЖ С-300ПС техникалық сүйемелдеу; ВИСП-97 әуеайлақтарын басқару кешенін, РМП -200 жетекті радиомаякты техникалық сүйемелдеу; «Нұр» сантиметрлік диапазонның (GM-403) үш кординатты РЛС астына Радиопрозр жабынын жеткізу сияқты қызметтер атқарады.