Лудоманиямен күрес шаралары

Министрлік ойын бизнесінің жосықсыз субъектілерімен белсенді күресуде. Мәселен, 2023 жылы сотқа 14 талап-арыз жіберілді, нәтижесінде 7 букмекерлік кеңсе, 5 тотализатор және 1 ойын автоматтары залы жұмысын тоқтатты. Депутаттық корпуспен бірлесіп, азаматтарды құмар ойындардан шектеу үшін бірқатар заңнамалық түзетулер әзірленді.

Жас шектеуін 25 жасқа дейін көтеру, букмекер кеңселері, бәс тігу туралы кез келген жарнамаға барлық жерде тыйым салу қарастырылып жатыр.

Ойыншыларды теріс пайдаланудан қорғау үшін «жауапты ойын» халықаралық қағидатын енгізу жоспарлануда, яғни егер адам борышкерлердің, алимент төлемейтіндердің және кредиттер бойынша мерзімі өткен берешегі бар бірыңғай тізімге енгізілсе, оған құмар ойындарын ойнауға тыйым салынады.

Барлық деңгейдегі білім беру ұйымдарынан бастап идеологиялық және ақпараттық-түсіндіру жұмыстары күшейтіледі. Осы шаралардың барлығы елдегі лудоманияның дамуына жол бермеу жөніндегі құқықтық тәртіпті заңды реттеуге және қамтамасыз етуге бағытталған.

Қазіргі уақытта елде 13 букмекерлік кеңсе, 8 ойын автоматтары залы, 5 казино, 2 тотализатор, 1 лотерея операторы және 7 мыңнан астам агент жұмыс істейді.