Басты жаңалықНовости
Тележүргізуші Владимир Рерих өмірден өтті
«Хабар» агенттігінің бұрынғы бас директоры Владимир Рерих 66 жасында қайтыс болды, деп хабарлайды muragerinfo.kz/.
Мұны марқұмның бұрынғы әйелі Дана Нұржігіт растады.
Владимир Рерих Талдықорғанда дүниеге келген. 1987-1994 жылдары «Советтік Қазақстан» киножурналында режиссердің көмекшісі, редактор болып жұмыс істеді.
Одан кейін «Қазақфильм» киностудиясында түрлі қызмет атқарды.
1996-2003 жылдары «Хабар» агенттігінде жұмыс істесе, 2006-2011 жылдар аралығында Еуразиялық медиа форумның бас продюсері болды.
Ол сондай-ақ Хабар арнасындағы «Поздний Рерих» телебағдарламасының авторы және жүргізушісі болды.
2012 жылы Рерих Германияға көшті. Ол кейінгі кезде YouTube-тегі өзінің авторлық жобасымен айналысты.