Жыл аяғына дейін 7 мың шақырым жолды жөндеуге уәде берілді

Үкімет отырысында көлік министрі Марат Қарабаев елдегі жолдардың жағдайы туралы есеп берді, — деп хабарлайды muragerinfo.kz/.

Министрдің айтуынша, биыл Қазақстанда жалпыға ортақ 12 мың шақырым жолдың құрылысы мен жөндеу жұмыстары жүргізілген. Оның 8 мыңы республикалық маңызы бар жол болса, 4 мыңы жергілікті маңызы бар жолдар.

«Шалқар — Ырғыз, Жезқазған — Петропавл, Қарағанды — Қарқаралы — Аягөз және басқа да жол учаскелерінде орташа жөндеу жұмыстары жүргізіліп жатыр. Жыл қорытындысы бойынша 7 мың шақырымдағы жұмыстарды аяқтау жоспарланған. Атап айтқанда, Қарағанды — Алматы, Талдықорған — Өскемен, Ақтөбе — Атырау — Астрахань және Мерке — Бурылбайтал жолдары учаскелерінде I және II техникалық санат параметрлері бойынша жұмыстар аяқталады. Жалпы қабылданып жатқан шаралар жол жүру қауіпсіздігін қамтамасыз етеді», — деді Марат Қарабаев.