Бокстан бапкерлік құрам толық қызметінен босатылды

Бокстан ұлттық құраманың ерлер командасының бапкерлік құрамы толығымен жұмыстан шеттетілді, деп хабарлайды muragerinfo.kz/.

Қазақстан бокс федерациясының тиісті шешімі спорт және дене шынықтыру істері комитетімен мақұлданды. Осылайша, бас жаттықтырушы Мырзағали Айтжанов және бапкерлік құрамдағы 10 маман және Қазақстан бокс федерациясының вице-президенті Азиз Қожамбетов қызметтен босатылды. Ал Қазақстанның еңбек сіңірген жаттықтырушысы Тұрсынғали Еділов бокс федерациясы президентінің кеңесшісі қызметіне тағайындалды. «Жаңа бапкерлік құрам кейінірек таныстырылады», – делінген хабарламада.