«Кәсіби маман» байқауы – жұмысшы мамандықтарын дамыту және кәсіби шеберлікті арттыру құралы»

Жұмысшы мамандықтары жылы аясында Ұлытау облысында Кәсіпкерлер палатасының ұйымдастыруымен, «Атамекен» ҰКП бастамасымен «Кәсіби маман» кәсіби шеберлік байқауы өтті. Бұл іс-шараның негізгі мақсаты – колледждердің тиімді тәжірибелерін кеңінен тарату, практикалық оқытуды дамыту және оқу орындары мен кәсіпорындар арасындағы серіктестікті нығайту арқылы өңірге қажетті білікті мамандарды даярлау.

Байқауға өңірдің 13 білім беру ұйымы мен кәсіпорындары қатысып, өз кәсіби шеберліктерін көрсетті. Әрбір қатысушы байқауда практикалық дағдыларын, инновациялық тәсілдерін және өндірістік талаптарға сай дайындық деңгейін дәлелдеді.

Байқаудың қорытындысы «Колледждер мен бизнес арасындағы серіктестік: жаңа мүмкіндіктер мен перспективалар» атты дөңгелек үстелде шығарылды. Жиынға қатысқандар өңірдегі кәсіби мамандар даярлау жүйесін жетілдіру, тәжірибелік оқытуды кеңейту және кәсіпорындардың талаптарына сай оқу бағдарламаларын дамыту мәселелерін талқылады.

Талқылауға қатысқандар:

• «Атамекен» ҰКП басқарма төрағасының орынбасары Нұрсултан Шоканов,
• Ұлытау облысы Кәсіпкерлер палатасының директоры Гүлмира Каженова,
• «Kazakhmys Smelting» ЖШС бас директоры Жәнібек Байғабелов,
• «AMANAT» партиясының өкілдері,
• аймақтың ірі кәсіпорындары мен әлеуметтік серіктестері.

Байқау жеңімпаздары:
• «Кадр даярлауға қатысқан үздік кәсіпорын» – «Kazakhmys Smelting» ЖШС
• «Өндірістегі үздік тәлімгер» – Мейіржан Сериков (Жезқазған мұнай басқармасы)
• «Жұмысшы кадрларды даярлайтын үздік колледж» – Жезқазған жоғары политехникалық колледжі

💬 Жәнібек Алтынбекұлы Байғабелов Ұлытау облысы Кәсіпкерлер палатасына нәтижелі серіктестік үшін алғыс білдіріп, кәсіпорындар мен колледждердің ынтымақтастығы өңірге қажетті білікті мамандарды дайындаудың негізгі тетігі екенін атап өтті.

Байқау арқылы студенттер өндірістік ортаға бейімделіп, заманауи кәсіптік талаптарға сай білім алуға мүмкіндік алды. Сондай-ақ, бұл іс-шара колледждер мен кәсіпорындар арасындағы тұрақты диалог пен тәжірибе алмасудың жаңа мүмкіндіктерін аша отырып, өңірдегі еңбек нарығын дамытуға және жұмысшы мамандықтарының беделін арттыруға септігін тигізеді.