Қайрат Құдайбергенді тағы бір ай қамауда ұстау ұйғарылды

Алматы қаласы мәслихатының экс-депутаты Қайрат Құдайбергенді тағы бір айға қамауда ұстау ұйғарылды, деп хабарлайды muragerinfo.kz/

Бұл туралы Алматы қалалық сотының баспасөз қызметінің берген ресми жауабында айтылады.

Алматы қаласы тергеу сотының 2022 жылғы 17 маусымдағы қаулысымен күдіктіге қатысты күзетпен ұстау мерзімін үш айға дейін ұзартуға санкция беру туралы өтініш қанағаттандырылды, — деп хабарлайды Алматы қаласы сотының баспасөз қызметі

Қамауда ұстау мерзімі 2022 жылдың 21 шілдесіне дейін ұзартылды. Қаулы заңды күшіне енген жоқ.

21 сәуірде Алматы қалалық мәслихатының депутаты жаппай тәртіпсіздіктерді ұйымдастырды және оған қатысты деген күдікпен ұсталды. Кейінірек Қайрат Құдайбергеннің адвокаты Мұрат Амитов депутатты тергеу соты бір айға қамауға алғанын хабарлады.