Азамат Бейісбеков ҚР ЕХӘҚМ аппаратының басшысы болып тағайындалды

Бұған дейін Бейісбеков ҚР Қауіпсіздік Кеңесінің Әскери қауіпсіздік және қорғаныс бөлімі меңгерушісінің орынбасары болып қызмет атқарған, деп хабарлайды muragerinfo.kz/

Қазақстан Республикасы еңбек және халықты әлеуметтік қорғау министрінің бұйрығымен Азамат Өмірзақұлы Бейісбеков ҚР ЕХӘҚМ аппаратының басшысы болып тағайындалды, деп хабарлайады ҚР Премьер-министрінің баспасөз қызметі.

Азамат Бейісбеков 1985 жылы Қарағанды қаласында дүниеге келген.

Білімі мен білігі:

Е. Бөкетов атындағы Қарағанды мемлекеттік университетін тәмамдаған. Президенттік жастар кадр резервінің мүшесі.

Еңбек өтілі:

• Еңбек жолын 2009 жылы ҚР Кедендік бақылау комитетінің кедендік рәсімдеу маманының міндетін атқарушы болып бастаған.
• 2009-2011 жылдары — ҚР Индустрия және жаңа технологиялар министрлігі Индустриялық-инновациялық дамуды салааралық үйлестіру департаментінің сарапшысы, бас сарапшысы.
• 2011-2012 жылдары — ҚР Премьер-Министрі Кеңсесінің индустриялық-инновациялық даму бөлімінің бас сарапшысы, бас консультанты.
• 2012-2015 жылдары ҚР Президенті Әкімшілігінде түрлі лауазымдарда қызмет етті.
• 2015-2020 жылдары — ҚР Қауіпсіздік Кеңесінің Әскери қауіпсіздік және қорғаныс бөлімінің консультанты; инспекторы; сектор меңгерушісі.
• 2020 жылғы ақпаннан бастап ҚР Қауіпсіздік Кеңесінің Әскери қауіпсіздік және қорғаныс бөлімі меңгерушісінің орынбасары болды.