Оң шешім шығару үшін 1,5 млн теңге ұсынған адвокат 3 жылға сотталды
Қарағанды облыстық адвокаттар алқасының адвокаты Б. Алханова үш жылға бас бостандығынан айырылды. Ол сотталушыны шартты түрде мерзімінен бұрын босату мәселесі бойынша оң шешім шығару үшін пара ұсынған, деп хабарлайды muragerinfo.kz/
21 шілдеде Қазыбек би аудандық соты Қарағанды облыстық адвокаттар алқасының адвокаты Б.Алханованы мемлекеттік қызметте қызмет атқару құқығынан өмір бойына айырумен үш жылға бас бостандығынан айырды.
Ол сотталғанды шартты түрде мерзімінен бұрын босату мәселесі бойынша оң шешім шығару үшін Шахтинск қалалық сотының лауазымды тұлғаларына 1 млн 500 мың теңге көлемінде ақшалай пара беруге итермелеу фактісі бойынша кінәлі деп танылды, — деп хабарлайды Сыбайлас жемқорлыққа қарсы іс-қимыл агенттігінің Қарағанды облысы бойынша баспасөз қызметі
Үкім заңды күшіне енген жоқ.