Доллар қайтадан көтеріле бастады

Қазақстан қор биржасы (KASE) 15:30-дағы жағдай бойынша доллардың орташа сараланған бағамы 3,51 теңгеге көтеріліп, 479,83 теңгені құрады, деп хабарлайды muragerinfo.kz/

Ресей рублінің орташа сараланған бағамы 0,05 теңгеге төмендеп, 8,25 теңгені құрады.

Қытай юанінің орташа сараланған бағамы сәл көтеріліп, 70,96 теңгені (+0,635) құрады.

Еуро бойынша сауда болған жоқ. Еуро бағамын Ұлттық банк 487,2 теңге деп белгіледі.

Ақша айырбастау орындарында доллар 479-484 теңгеге сатылды/сатып алынды, еуро 489-494 теңгеге өсті. рубль – 7,4-7,9 теңге.

Ал 26 шілдедегі сауда барысында әлемдік мұнай бағасы көтеріліп жатыр.

Лондондық ICE Futures биржасында Brent маркалы мұнайдың қыркүйектегі фьючерстерінің құны барреліне $106,49 (1,27%-ға жоғары) болды.

Нью-Йорк тауар биржасында (NYMEX) электрондық саудада қыркүйек айындағы WTI мұнай фьючерстерінің бағасы барреліне $97,98 (1,32%-ға жоғары) болды.