Нұр-Сұлтанның оңтүстік-шығыс ауданында көлік өртенді

Нұр-Сұлтанда оңтүстік-шығыста Volkswagen Passat көлігі өртенді. Өрт сөндірушілер жалынды ауыздықтап үлгерді, деп хабарлайды muragerinfo.kz/

Оқиға орнынан түсірілген видео Instagram-дағы қоғамдық astana_sergek парақшасында жарияланды.

22 тамызда сағат 9:57-де астаналық ТЖД өрт сөндіру бөлімшелері Құдайбердіұлы даңғылы мен Іле көшесінің қиылысында автокөліктің өртенуі туралы хабарламаға жауап беріп, сөндіруге шығып кетті, — деп хабарлайды Нұр-Сұлтан қаласы Төтенше жағдайлар департаментінің баспасөз қызметі

Өрт сөндірушілер келген кезде Volkswagen Passat көлігінің қозғалтқыш бөлігі мен салоны өртеніп жатқаны анықталды. Өрт 10:15-те толығымен сөндірілді.

Өртті сөндіруге Нұр-Сұлтан қаласы Төтенше жағдайлар департаментінің жеке құрамының бес адамы мен бір техникасы жұмылды.