Әсел Жанасова сауда және интеграция вице-министрі қызметінен босатылды

Әсел Жанасова Қазақстанның сауда және интеграция вице-министрі қызметінен босатылды, – деп хабарлайды muragerinfo.kz/ тілшісі.

«Үкіметтің қаулысымен Әсел Жұбанышқызы Жанасова басқа жұмысқа ауысуына байланысты сауда және интеграция вице-министрі қызметінен босатылды», – делінген хабарламада.

Әсел Жанасова 1987 жылы Алматыда дүниеге келген. Кембридж университетін бітірген.

2016-2017 жылдары – «Зерде» ҰБХ» АҚ басқарма төрағасы.

2018-2020 жылдары – «Астана» халықаралық қаржы орталығының цифрлық технологиялар жөніндегі басқарушы директоры.

2020 жылдың шілдесінде ол Қазақстанның сауда және интеграция вице-министрі болып тағайындалды.