Қарағандыда 2 жастағы бала 11 магнит жұтып қойған

Қарағандылық дәрігерлер бірнеше магнит жұтып қойған баланың өмірін сақтап қалды, — деп хабарлайды muragerinfo.kz/ тілшісі.

4 ақпан күні Облыстық балалар ауруханасына іш ауыруы, бірнеше рет құсу шағымдарымен шұғыл түрде, 2 жастағы бала түсті. Қабылдау бөлімінде іш қуысы мүшелерінің рентгенографиясы жасалып, асқазан-ішек жолдарында бөгде заттар (магниттер) анықталды.

Тез арада балаға операция жасалды. Операция кезінде ішек перфорациясының аймақтары анықталды, оның себебі: 11 дана металл магниттер екені белгілі болды. Операция 1,5 — 2 сағатқа созылды. Қазіргі уақытта бала жансақтау бөлімінде.