Шымкент: Еңбек заңнамасы бойынша 344 заңбұзушылық анықталып, 318 заң бұзушылық жойылған
08.04.2023 – 2210
ШЫМКЕНТ: ЕҢБЕК ЗАҢНАМАСЫ БОЙЫНША 344 ЗАҢБҰЗУШЫЛЫҚ АНЫҚТАЛЫП, 318 ЗАҢБҰЗУШЫЛЫҚ ЖОЙЫЛҒАН
Шымкент қаласы мемлекеттік еңбек инспекциясы басқармасының 2022 жылға (жылдың соңына дейін) еңбек заңнамасының жойылған құқық бұзушылықтар үлес салмағы, анықталған құқық бұзушылықтардың жалпы санына орындалу көрсеткіші 92,4% бекітілген болса, жылдың қортындысымен 344 заңбұзушылық анықталып, 318 заң бұзушылық жойылған. Орындалуы – 92,5%.
Ұжымдық-шарттық қатынастар жүйесімен қамтылған ірі және орта кәсіпорындар арасында еңбек заңнамасының орындалу көрсеткіші 86,5% бекітілген болса, орындалу деңгейі– 98,3% құрады.
Электрондық нысанда тіркелген еңбек шарттарының үлесі 85%, ал Еңбек министрлігімен бекітілген жоспарға сәйкес «Еңбек шарттарын есепке алудың бірыңғай жүйесіне» электронды еңбек шарттарын енгізу 3 898 кәсіпорында, жалпы 62 506 еңбек шарты енгізілу межеленген, жыл қортындысымен 4 168 мекемеде 73 475 еңбек шарты енгізіліп, көрсеткіш 106,9% орындалды.
2022 жылға, өндірістік жарақаттану деңгейі 1000 адамға шаққанда, 0,31%-дан асырмау болып бекітілген. Бұл көрсеткіштің орындалуы жыл қортындысымен 0,16%-ды құрады.
Басқарма тарапынан еңбек заңнамасының бұзылу фактілері бойынша келіп түскен арыз-шағымдар мен құқық қорғау және мемлекеттік органдардың талаптарының негізінде әр түрлі меншік нысанындағы кәсіпорындар мен ұйымдардың, жеке тұлғалардың 1 670 арыз-шағымы мен өтініші заңға сәйкес қаралып, тиісті жауаптары берілді. Еңбек қатынастарының бұзылуына байланысты арыз-шағымдар білім, денсаулық, құрылыс, сауда және күзет қызметі салаларында өсіп отырғандығы байқалады.
2022 жылы жалпы басқарма тарапынан 1 816 жұмыскердің бұзылған құқықтары заңға сәйкестендіріліп, әлеуметтік құқықтары қорғалған. Соның ішінде 76 кәсіпорында 1 430 жұмыскердің 240,3 млн. теңге көлеміндегі жалақы қарыздары өтелген.
2022 жылы басқармада 7 еңбек дауы тіркеліп, тиісті жұмыстар жүргізу барысында мекемеде қойылған мәселелер шешілді. Қала аумағындағы еңбек ұжымдарында жағдай қалыпты. Өткен жылы Үш жақты комиссияның 12 отырысы өткізіліп, әлеуметтік шиеленістерін, еңбек дауларын болдырмауға бағытталған жұмыстар жүргізілді.