Басты жаңалықНовости
Садақ атудан 17 жасар отандасымыз Азия чемпионы атанды
Садақ атудан Қазақстан құрамасының өкілі Андрей Тютюн Бангкокта (Тайланд) өткен Азия чемпионатында алтын медаль иегері атанды, деп хабарлайды muragerinfo.kz/.
Ақмола облысының тумасы, 17 жасар садақшы финалда Оңтүстік Корея өкілі Ким Джонходан басым түсті. Олар «блок түрінде садақ ату» бағдарламасында бақ сынап, 146:144 есебімен аяқталған сында отандасымызға сәттілік бұйырды. Андрей ауа райының қолайсыздығына қарамастан нысанаға дөп тиіп, Азия чемпионатының «алтынын» лайықты түрде жеңіп алды.
9 қарашада тағы қос отандасымыз финалда өнер көрсетті, сонымен қатар Виктория Лянның «қолаға» таласуға мүмкіндігі болды. Өкінішке қарай, Тайпей өкілі Хуанг Ай-Ю оның жолын кесе білді.